loader-missing

નવા સમાચાર :-

 ||  જાહેરાત માટે

મિથુન (ક. છ. ઘ.)  મિથુન (ક. છ. ઘ.)

પોઝિટિવ :

આપનો ગુરુ ધંધાકીય ક્ષેત્રમાં આપને પ્રગતિ કરાવે. કૌટુંબિક સમસ્યા હલ થતી જણાય. સામાજિક માન-પ્રતિષ્ઠા વધે જેને કારણે આપને લાભ થાય. રાહુ આપની રાશિથી પહેલે સ્થાને રહેશે. જેને કારણે આપનું સ્વાસ્થ્ય સ્થિર થતું જણાય. વર્ષના અંત ભાગમાં નવી-નવી તકો વધવાથી આપનું મન પ્રફુલ્લિત રહે. નકારાત્મક વિચારોમાંથી બહાર આવતા નિરાશાથી રાહત મળે. આ વર્ષની આર્થિક સ્થિતિ મધ્યમ ફળદાયક બને. એક રૂપિયો આવે તો નેવું પૈસા ખર્ચ લઈને આવે. નાણાંનો વ્યય પરિવારજનોની દવા પાછળ થઈ શકે છે. વર્ષના મધ્ય ભાગ પછી થોડી પરિસ્થિતિ સુધરતી જણાશે. લાંબા ગાળાનાં રોકાણ હાલ ન કરવાની સલાહ છે. નાની નાની બચતથી આપને મોટો ફાયદો થઇ શકે છે.


નેગેટિવ :

આપની રાશિથી ગુરુ મહારાજનું ભ્રમણ છઠ્ઠા એટલે કે રોગ અને શત્રુ સ્થાને છે. એના કારણે આપને સ્વાસ્થ્યની ચિંતા રહે. સમય જતા ખર્ચ વધે જેના કારણે દેવું વધી શકે છે. આપની રાશિથી સાતમે ભ્રમણ કરતો શનિ ઘણું બધું શીખવી જાય.દરેક પરિસ્થિતિનો સામનો કરવો પડે. આપની સામે એવી મૂંઝવણ આવી પડે કે ક્યાં જવું અને શું કરવું તેની ખબર ના પડે. આપના કોઈ પણ કાર્યમાં વિઘ્નો આવ્યા કરે, કોઈ પણ કામ સરળતાથી પૂર્ણ ના થાય. વર્ષના મધ્ય ભાગ પછી પરિસ્થિતિમાં બદલાવ આવે. મનની મૂંઝવણ વધી હોય તો આપને બેચેની વધી શકે છે. કોઈ જટિલ પ્રશ્ન આપનો પીછો છોડતો નથી. જેને કારણે આપનું ટેન્શન વધતું જશે.


ફેમિલી :

આપની રાશિના ગોચરના ગ્રહો પ્રમાણે વર્ષના પ્રારંભમાં દાંપત્યજીવન સ્થિર ના રહી શકે. નાનો મોટો ખટરાગ રહ્યા કરશે. પત્નીના ભાગ્યના બળે, પત્નીની ભક્તિના કારણે, વડીલોની સેવાના કારણે આપ મોટી આપત્તિમાંથી બચી શકો છો. લગ્ન માટે જો આ વર્ષે વિચાર કરી રહ્યા હોવ તો આપની મનોકામના સિદ્ધ થતી લાગશે. જીવનસાથીની શોધ પૂર્ણ થતાં આપ ખૂબ આંનદમાં રહી શકશો. એકંદરે લગ્નજીવન મિશ્ર ફળદાયી બને. આ વર્ષે જે જાતકોનાં લગ્ન નથી થયાં તેવા જાતકોને લગ્નજીવનનું સુખ પ્રાપ્ત થઈ શકે છે. આપનાં સંતાનો તરફથી આપને સંપૂર્ણ સહકાર પ્રાપ્ત થઇ શકે છે. આપનાં સંતાન પાસે આપે જે અપેક્ષા રાખી હોય તે પૂર્ણ થતાં આનંદમાં રહી શકો. આપ જો સંતાન માટે પ્રયત્ન કરતા હોવ તો આપની આ મનોકામના ચોક્કસ સંપન્ન થશે. વિદ્યાર્થી મિત્રોએ વર્ષના આરંભથી ખૂબ મહેનત કરવી પડે. કોમર્સ અને આર્ટ્સના વિદ્યાર્થી મિત્રોને મહેનત વધારવાની જરૂર જણાવશે. તેમને તેમની મહેનતના પ્રમાણમાં પરિણામ મળશે. એન્જિનિયરિંગના વિદ્યાર્થીઓને સફળતા મળે. જે લોકોએ ડિગ્રી નથી મેળવી એ લોકોનું ડિગ્રી મેળવવાનું સ્વપ્ન પૂર્ણ થાય.


લવ :

આપના સકારાત્મક વિચારો અને હકારાત્મક વલણ આપનું જમા પાસું રહેશે જેના કારણે આપનો વિરોધી વર્ગ આપને મુશ્કેલી આપી શકશે નહિ. પ્રભુ પર શ્રદ્ધા છોડવી નહિ. વર્કિંગ મહિલા માટે વર્ષ સાપ્રેમ સંબંધ.


કેરિયર/પ્રોફેશન :

નોકરીમાં આ વર્ષ બહુ અદેખાઈવાળું રહે. સામાન્ય ચિંતા રહ્યા કરે. આપ ગમે તેટલી મહેનત કરો, પણ આપના કામની કદર ન થાય. વર્ષના અંતમાં સારી નોકરી મળી શકે છે. સરકારી નોકરીના પ્રયત્નો કરે છે એ લોકો સફળ થઇ શકે છે. ધંધામાં સફળતા આપની પાછળ આવશે. જે કોઈ નવો વેપાર-વ્યવસાય શરૂ કર્યો છે તે સારો ચાલે. હા એટલું કહી શકાય કે કોઈ ખરાબ વ્યાસનના કારણે કે કોઈ સોબતના કારણે ખોટા ખર્ચા અને ધંધામાં પડતી આવી શકે છે, જેથી સાવધાન રહેવું.


હેલ્થ :

સ્વાસ્થ્યની દૃષ્ટિએ આ વર્ષ ખાસ ફળદાયી ના બની શકે.આપની ઊર્જા ધીરે ધીરે ઓછી થતી જણાય. કોઈ રોગ આપના પર હાવી થતો જણાશે. આપને માથા સંબંધિત તકલીફ પડી શકે છે. બની શકે કે આપને માથાનો દુખાવો સતત રહ્યા કરે. વર્ષના મધ્ય ભાગમાં ઓપરેશન ઈત્યાદિના યોગ પણ બને છે. આ વર્ષે પ્રવાસ કરવામાં વાંધો નથી, પરંતુ આપની તબિયતનું ધ્યાન રાખીને, કારણ કે આપની બીમારીને લીધે પ્રવાસમાં મુશ્કેલી સર્જાઈ શકે છે. પરિવાર સાથે નાનો પ્રવાસ કે પિકનિકની મજા માણી શકો છો.

ઉપાય :

આ વર્ષ દરમિયાન આપે નિંદા અને આલોચનાથી દૂર રહેવું. દરેક બુધવારે ખાલી માટલી અને કાંસાની થાળીમાં ભાખરી કે રોટલીનો ખાંડ મિશ્રિત ભૂકો, ઘી વહેતા પાણીમાં પ્રવાહિત કરવો. કાંસાની થાળીમાં ઘરે લાવી શકાય. લાભ અવશ્ય થશે. મન શાંત રાખવા માટે ભગવાન શિવની ભક્તિ કરવી લાભદાયક છે.ઈષ્ટદેવની તાંબાની મૂર્તિ બનાવડાવીને તેને ઘરના મંદિરમાં રાખવી અને દરરોજ પૂજન કરવું. ‘ૐ ગોવિંદાય નમો નમ:|’ મંત્રનો રોજ 3 માળાજાપ કરવો.