વ્યવસાયઃ- વર્તમાન નોકરી અને ધંધામાં ઇચ્છિત પરિસ્થિતિઓનું નિર્માણ થશે. બંને સ્થિતિમાં આગળ વધવાની તક મળશે. જેઓ પરીક્ષાઓ અને સ્પર્ધાઓમાં ભાગ લઈ રહ્યા છે અને સારી કારકિર્દીની શોધમાં છે તેમને સફળતા મળશે. ઓગસ્ટ-સપ્ટેમ્બરના મહિનાઓ થોડાક પીડાદાયક રહી શકે છે. આ સમય દરમિયાન, બિનજરૂરી ગૂંચવણો વધશે અને કેટલીક જૂની બાબતો પણ પરેશાનીનું કારણ બની શકે છે. પ્રોપર્ટી સંબંધિત કોઈ મામલો કોર્ટમાં ચાલી રહ્યો હોય તો પરસ્પર સહમતિથી ઉકેલવાનો પ્રયાસ કરશો તો સફળતા મળશે. આર્થિક દૃષ્ટિકોણથી આ સારો સમય રહેશે, પરંતુ મૂડી રોકાણ અંગેના નિર્ણયો ધ્યાનપૂર્વક વિચાર્યા પછી જ લેવા જોઈએ. આ વર્ષના પૂર્વાર્ધમાં તમારે તમારા હરીફોની પ્રવૃત્તિઓ પ્રત્યે પણ સતર્ક અને સાવધ રહેવાની જરૂર છે. થોડી સાવધાની તમને મોટી સમસ્યામાંથી બચાવશે. આયાત-નિકાસ સંબંધિત કાર્ય લાભદાયક સ્થિતિમાં રહેશે.

કરિયર
કોન્ટ્રાક્ટ પર કામ કરતા લોકોને નવા કોન્ટ્રાક્ટ મળશે. જૂના કોન્ટ્રાક્ટ રાખવા કે છોડી દેવા તે અંગે  ખૂબ જ કાળજીપૂર્વક વિચાર કરો. કોઈપણ નિર્ણય પર પસ્તાવો ન થાય તેનું ખાસ ધ્યાન રાખો કારણ કે પછીથી નિર્ણય બદલવો શક્ય બનશે નહીં હોય. નોકરિયાત લોકો માટે વર્ષની શરૂઆતમાં વધુ મુશ્કેલીઓ આવશે. તમે જ્યાં કામ કરી રહ્યા છો ત્યાં તમને પ્રમોશન મળી શકે છે.
ઓફિસના રાજકારણમાં ફસાવાનું ટાળો. ફેરફારો વિશે ચિંતા કરશો નહીં, કારણ કે તે તમારી કમાણીને અસર કરશે નહીં. જે લોકો નવો ધંધો શરૂ કરવા માગે છે તેઓએ સંપૂર્ણ માહિતી લેવી જ પડશે. જોખમ લીધા વિના કામ કરશો તો સારું રહેશે. વર્ષની શરૂઆતમાં નુકસાન થઈ શકે છે, પરંતુ આ નુકસાનની ભરપાઈ થઈ શકે છે.